وزاتِ تعلیم و پیشہ وارانہ تربیت کے زیر اہتمام اتوار 5 فروری کو یوم یکجہتی کشمیر منانے کی تیاریاں شروع کر دی گئی ہیں۔ وفاقی وزیر تعلیم و پیشہ وارانہ تربیت رانا تنویر حسین کی زیر صدارت ایک مشاورتی اجلاس جمعہ کو وزارت تعلیم میں منعقد ہوا۔ اجلاس میں فیصلہ کیا گیا کہ وزارت تعلیم کے زیرِ اہتمام تمام محکمے بھارت کے غیر قانونی طور پر مقبوضہ جموں و کشمیر کے لوگوں سےیکجہتی کا اظہار کریں گے۔
وفاقی وزیر نے تمام سرکاری اور نجی اداروں کو ہدایت کی ہے کہ وہ اقوام متحدہ کی قراردادوں کے مطابق کشمیریوں کے حق خودارادیت کی جدوجہد کو اجاگر کرنے کے لئے کانفرنسز، یکجہتی واک، سیمینارز، پینل ڈسکشن، ٹاک شوز اور مقابلوں کی منصوبہ بندی اور انعقاد کریں۔ وفاقی وزیر نے کہا کہ ہم کشمیر کے لوگوں کے ساتھ یکجہتی کے ساتھ کھڑے ہیں اور تشدد، جبر اور انسانی حقوق کی خلاف ورزیوں کے خاتمے کا مطالبہ کرتے ہیں جس نے خطہ کو طویل عرصے سے دوچار کر رکھا ہے، ہم اس تنازعہ کے پرامن حل کا بھی مطالبہ کرتے ہیں جو کشمیر کے لوگوں کے حقوق اور امنگوں کا احترام کرتا ہے۔
انہوں نے مزید کہا کہ وزارت تعلیم کشمیر کے لوگوں کو بیداری اور مدد فراہم کرنے کے لئے پرعزم ہے اور اس بات کو یقینی بنانے کے لئے کام جاری رکھے گی کہ ان کی آواز سنی جائے اور ان کے حقوق کا احترام کیا جائے۔
